師奶短評 - 《五路出征,社民菁英;濟弱扶傾,權貴噤聲》

尚有幾日就是選舉投票日了, 目前情況形格勢禁, 五零部隊選情十分告急呀,各地區直選d 泛民名單拆到咁散, 意味住乜野呢?? 所以想呼籲一下,有票請全部交託比社x連,網台節目的論者分析得很好:『無論係出多一個白鴿黨,抑或係出多一個公能黨議員,又可以如何呢??』;我覺得好有道理並深感同意。

選舉, 選的就是社會關係網絡, 白鴿黨做得太多年好應該讓比其他年輕政黨做做,至於公x黨實在太不堪,因為睇左咁耐,比我感覺這個黨的本質,只是以披住民主運動的外衣為表、實則是為著以精英自詡的那一個圍威喂團體鑽營自己利益為實(按1),不過佢地係精英o麻,自然三頭六臂社會網絡龐大實夠票唔洗憂愁。有精英投佢地票就ok, 一般普羅小市民, 唔知點投票就好應該儘量票投社x連。

作為小市民,票投社x連係對連日來醜聞不絕的特區政府作出最清楚而有力的表態。因為:

-------------------------------
政治酬庸，副局長圍威喂風波 :@
-------------------------------
第一. 政府鬧出八國聯軍治港的鬧劇,十幾萬請一個所謂「官」來作保皇黨的政治酬庸,私相授受圍威喂得教人咋舌,普羅市民大嘩 O 形咀!! 果d 政界中人不分左右都批評不力,大家市民條氣好唔順,要搵多幾個立場鮮明的「長毛」入去監察政府,喝住那些所謂「官」給我們謙卑少少,狹住條狐狸尾巴做人, 此其一。

-------------------------------
官商勾結，展民事件輿論大嘩 :@
-------------------------------
其二, 官商勾結醜聞無日無之如梁展文事件等等真係好離譜,市民無從置喙,簡直是豈有此理!!??

-------------------------------
領匯與票投社民連 :@
-------------------------------
其三, 我好想講一講領匯與票投社x連兩者之間的關聯。

現在,領匯上市的惡果終於開始赤裸裸地表露無遺,這隻怪獸已開始趕絕商場開業的老板仔,種種苛刻的續約條件, 令香港的小老板們一時之間全部淪為領匯的奴僕,要守住盤生意就焗住要一生為奴冇得翻身,仲慘過做打工仔。

而那些連鎖店超市大機構等,在外圍因素導致全世界通脹的熊熊火頭上再曬上滾油,經營之道完全唔會同普羅小市民客氣,趁火打劫出彈弓手玩曬海鮮價也就不在話下,小生意小商店比領匯趕絕曬之後,大連鎖店就會取而代之,這是誰之過呢?? 議會內立法會議員當日到底搞乜!!??

一個領匯搞到市民風聲鶴唳民不聊生,就只有一個社x連和一個鄭大班先知先覺 day1 就反對領匯上市,而家,香港市民焗住買貴野,三幾手股票一時著數,換來現在慘淡的惡果,最終要成個社會連本帶利一齊承受,社x連好早就反領匯上市,佢地既然有呢種保護市民的敏銳洞察力,昔有領匯,o黎緊好有可能仲有一個強醫金怪獸明益fund佬凍結我們全體市民資金的危險!!!

我地唯一可以做的就是借踢丐幫入立法會來起一點制衡的作用,投票比佢地,先至可以形成一股以關注民生為職志的議會文化,凡此種種,雖販夫走卒,又豈能不票投社民連呢!!??


-------------------------------
總之, 票投社民連, 就是...:
-------------------------------
就是向政府作出一個有力的表態;
就是在議會內制衡住親建制官商勾結的議員;
就是代窮人進入議會作淒厲的吶喊!!!
就是本文圍繞住的一個重心要點: 選社民五子就是為著通脹和窮人鼓與呼!!! :Q :@




藝術家筆下的社民菁英



---------------------------------------------
溫馨提示:
---------------------------------------------
9月7日, 身為年輕人, 西九區咁鬼亂唔知投邊個最潮?? 吸印仔投票前, 停一停, 諗一諗....

．諗一諗公文袋的矯情造作和虛偽性
．諗一諗白鴿黨多年以來, 係咪需要休息一下
．諗一諗鼠王芬係咪令你好鬼令你感到眼冤,
．諗一諗吳志森做節目點樣被呢隻鼠王芬欺負,那副舐共土人、狗仗主人勢要來害香港人的小人德性...
．諗一諗五零部隊殺入立法會, 痛斥權貴、顛狗發惡, 罵盡諸檔太監公公, 可以正輿論、肅綱紀; 可以厲頹風、一新特區政治

是旦諗起一個point, 就會忽然知機, 知道點投票最能有效監督政府,
黃顛狗與社民連, 應該就是星斗市民卑微一票起作用的最大公約數....

投完票比丐幫行出票站; 如遇有自稱學術人員的陌生人走來做票站調查, 如果對方冇辦法証明身份真偽, 唔緊要, 好可能係撞上五毛黨, 別怕, 人家問你點投票, 可以話比對方知, 我係土共fans, 口頭上對土共最支持 ^_^