師奶短評 - 《由港版江青二號鼠王芬到丐幫幫主黃顛狗》

------------------------------------------------------
鼠王芬是阿爺「人心回歸工程」的其中一環嗎?
------------------------------------------------------
鼠王芬呢個女人, 留意左佢好耐, 近日來到我居住的西九社區插旗仔...

有聽吳志森個節目就會知, 呢個女人係幾咁蠻不講理同擦阿爺鞋! 好多人都覺得, 鼠王芬除左甚得北京歡心(聞說她是搞大陸法律英文翻譯的), 她以獨立無黨派之身參選,實際上是阿爺在香港實施的人心回歸工程的一部份, 是一隻布署左一排的重要棋子, 這次選舉, 希望民建聯最終真係不聽阿爺號令唔配票比佢啦,否則呢d 所謂法律學者最叻就係挾持騎劫甚至扭曲民意然後乘機為廿三條招魂, 比呢d 無恥厚顏擦鞋完全唔會面紅耳熱o既舐共份子, 香港江青二號,同孳瘤組成哈共兩煞, 成了阿共仔第五舐共梯隊, 挾住共匪民x聯的配票而來騎劫香港人民意, 香港人肯定會比呢d 無恥舐共土人政客死八婆玩死... :L :@

阿爺大用鼠王芬, 依家在我的選區西九龍, 個部署係實現左將西九各獨立山頭地方椿腳統一左, 有一大班區議員加入她的九閪新動力哈共組織, 而且真係好鬼有錢, 阿爺搞統戰, 唔聲唔聲, 就是十分嚇人一驚...

小妹一直認為, 做學者就好應該專心做學者, 有學者唔做走去從政, 真係自甘墮落冇風骨, 而比那些舐共土人政客在選舉之中太過得意, 會令阿爺錯誤估計民情以為民心回歸計劃成功了, 呢d 舐共土人政客從中挑撥, 比呢d 人得勢「凍蒜」, 分分鐘明天阿爺以為廿三條立法時機成熟了, 對廣大香港市民而言其結果是擾民、白色恐怖和災難的, 我地冇咩好驚, 最驚就係土共得勢令阿爺錯估了政治形勢和人心向背...

呢穫野, 如果比鼠王芬呢類人得寸進尺侵入社區繼而騎劫或扭曲民意的話, 會好大穫; 所以, 若論9月選情, 無論點都好, 個形勢係公民袋只係代表佢地自己利益, 經濟政策幼稚得嚇壞人在梁家傑選特首以及其後該黨公平競爭法一事上, 已感到他們唔值得投佢地信心一票; 白鴿黨是扶不起來的阿斗,機會已經比得太多。實在提唔起興趣去行使投票權...



------------------------------------------------------
濟弱扶傾的黃顛狗
------------------------------------------------------

這幾年人又大左少少, 對事情對時事的睇法, 有了一份自然而成的同理心...

那個丐幫首領黃顛狗, 其實佢係上左岸的人, 明明可以置身事外卻偏偏在最惡劣的環境下當了長毛大舊他們的首領, 經過幾年奮鬥, 才明白黃毓民黃顛狗是要走出黎替窮人出聲。

現在, 黃先生被其他民主派妄言鼓吹「棄保」來陰乾蒸發, 我無從評估黃先生的真實吸票能力有幾深幾強, 但可以肯定的是被他那個公文袋說得十分不堪, 誤導了真實情形, 管他娘的, 小妹以為唔理黃先生佢係咪告急, 都好需要大家投票俾佢, 如果大家係認同黃先生的主張, 就好應該向外間展示一下市民的實力嚇煞一下宵小好事之徒給我們香港市民安份點唔好自己人打自己人; 而我們投票支持始終記得老弱和真係關心窮人的LSD街頭戰士, 尤其係以黃毓民的情況, 投票送佢入立法會制衡一下建制派和政府, 無論為了制衡鼠王芬使阿爺不會誤判民意又好、對白鴿和藍血貴族們表態不支持又好, 我們這些本來不關心政治的年輕人, 既然有手中一票, 雖販夫走卒, 亦好應該投比丐幫佢地, 那手中一票才是用得其所, 因為丐幫不成氣候, 官商勾結、市民任由宰割魚肉的情況只會加劇, 窮人老弱萬劫不復, 能夠出來投票比丐幫, 是對建制派作出一個明確的表示, 別少看我們的一票, 因為讓丐幫當選, 實足以影響特區往後的發展。

立法會4年才一次, 市民要出聲, 將手中一票交比以濟弱扶傾為職志、可以前仆後繼的候選人; 黃毓民, 一個完全可以選擇置身事外的人, 小妹幾年前本來好唔鐘意佢, 慢慢睇住佢呢幾年投入社會運動的訓身和那份一心為民受到各方封殺依然義無反顧的那份正心誠意, 他的挺身而出其實是十分悲壯的, 明知不可為而為之, 我們為什麼不交一票比丐幫, 去換一個活在通漲水深火熱之下的卑微寄望去制衡一下特區崎型騎呢的政治生態呢?

C奶仔

師奶短評 -《長毛參選連任之我見》

好多師奶, 未必一定認識長毛, 之前小妹曾經在某壇當過新聞版主義工, 所以有段時間比較留意新聞, 今見長毛參選連任, 小妹想發表一下自己對他由厭惡到支持的睇法。

有不少人對長毛的睇法很兩極化, 一聽見他的名字就報以噓聲的人, 有好多其實未必知道長毛呢幾年響議會內外, 幫香港人做左好多野,最起碼《監察通訊條例》保障我們的人身自由上真係做到野。

回歸之後, 港府的一些公權力已經變了質, 大家會看到像廉xx署之類機構是有案不敢辦, 只會做些細毛蒜皮的小案, 但一涉及中資背景的,就完全閃得就閃冇左影, 既然咁冇骨頭, 只懂欺壓小民百姓, 那還賦予他們咁大的公權力作甚? 長毛,真係傾家蕩產同政府打官司的, 為的是什麼?是替市民制衡政府啊... 雖然我地沒有民選政府, 但是我們卻有敢於制衡一下公權力的長毛, 除了他, 還有那位尊貴議員, 好似佢咁博呢???

大家以為佢做唔到野, 其實不然, 當這四年議員, 你鬧佢做show都好, 我真係未見過呢條友停過落黎, 唔係比警察拉,就係去左唔知邊度幫工人, 唔係自己果區佢都會出現, 相比起其他尊貴的立法會議員又有邊個夠佢咁博呢?? 我呢幾年來, 唔係成日出街o既師奶,都在街頭撞過佢幾次, 真係一次老過一次, 殘過乜, 唔知以為佢係耕田o既, 曬到黑豬咁, 我本來都好憎佢, 覺得佢搞搞震,整整下先發覺佢其實唔差, 呢四年入面, 議政能力不俗(要比好多衣冠楚楚的尊貴議員們好多了), 亦能寫得出好文章, 例如舊年馬力歿, 長毛在新報寫了一篇叫《死者無言墓銘自書》的文章而開始在hkd論壇上為大家所識, 其人的作為和情操, 文字是騙不了人的, 特別是騙不了女性讀者... 此外, 如果條友真係諗住玩四年, 大可以學其他上左岸o既議員咁, 白逗人工潛下水, 洗咁頻仆?

淨係呢樣野, 我有一票的話都會樂於投比佢, 幫我昅實政府呢隻怪獸, 等政府d 所謂官, 給我謙卑少少, 搵個人入立法局屌住班杏家橙,成本低效果大, 反正選特首我地這些卑微的蟻民冇任何資格過問, 搵個人入立法局幫手睇住政府盤數, 我覺得長毛做得好好, 選佢,起碼唔洗膽心呢條友會借議員身份鑽營什麼, 搵什麼著數, 呢一票真係抵投比佢o既。

此外期許長毛假如再次選到, 亦係一個訊息明告當權者同那些混政治飯吃的哈共族知道, 唔該要尊重下由人民選出來昅住政府o既代表長毛, 參與分區直選選出來的議員, 要比你班或靠圍威喂、或論資排輩、或靠阿爺欽點上位的契弟, 直選出來的議員, 公職是要向市民負責的! 當權者因緣際會, 靠哈共舐共上位, 又算得上什麼?


長毛, 支持你


(本帖部分文字原在一週前載於hkd。有些段落是今天新加上去的, 零碎地寫成一文一帖,集中分享一下大家對長毛的睇法。) C奶仔