----------------------------------------------------------
葉太的前途依然係無可限量的
----------------------------------------------------------
12.2 補選曲終人散, 相信呢一版有唔少網友和市民會有一種替陳太鬆了一口氣的感覺, 雖然之前小妹預測葉太會贏結果卻輸了, 但係我覺得之前有關的分析, 仍然有待香港人放長雙眼去睇:
而家, 投票率好似係52%, 咁即係有30多萬人出來投, 而據一些報導說, 建制派可以動員15萬左右的鐵票、中立票、部分忠於葉太的公務員家庭票等, 咁就算陳太贏, 都會贏得好危危乎。
我 處身銅鑼灣, 葉太助選團真係有人有力有財有勢, 作為一個獨立人士, 幕後的協調推手和動員力量, 真是夠讓香港人耐人尋味的; 葉太, 係未來的真龍天子, 經過選舉mandate, 來年再選, 比例代表制之下她是必定可以協調到一席的(接替范徐之缺), 再做幾年, 五十多六十歲時, 不是做特首的最合適o既年齡嗎?? 幕後推手之裁培這個未來特首, 要錢有錢(早在年前已開始賣曬滙賢智庫的廣告), 要人有人, 可以話係用心良苦、前途無可限量得很呢...
她只要再有了這幾年的民選履歷, 那她就既有董建華所沒有的"民意"mandate, 又有曾特首的政府行政經驗, 那她還不是曾特首之後的特首不二之選?? 支持葉太的背後後檯老闆, 才真是香港政治的最大推手啊~~~
大家可以再看看再想想, 我師奶仔做新聞版同海德餅主都做左成年, 雖然係師奶, 但係睇下睇下, 唔明多都明少少的, 大家不妨再放長雙眼睇睇未來的事態發展, 就會知道我的分析, 可能唔會錯得曬~~~
就算葉太佢今次贏唔到, 條路本身已經安排好曬~~~
----------------------------------------------------------
雖然今次陳太勝選, 但係我對她的政治前景, 仍然不禁打了數個問號
----------------------------------------------------------
睇 NOW新聞現場直播, 在電視中看到陳太當選後發言謂: 『今次o既勝利, 係大家爭取雙普選o既強心針』
另一邊廂觀乎葉太在電視中的表情和應對, 眼紅紅面紅紅咁, 把聲有咽音, 個樣出曬黎, 好似好唔忿氣咁, 相信佢個心已經在淌淚中, 同時, 唔知返到去點同幕後的老闆們交待。向老闆交待敗績事宜, 相信是她目前一個首先要面對o既問題。這亦是作為一個甘於賣身投靠、擔起這個前檯政治演員角色的宿命性悲哀。
大家都係女人, 我好明白葉太此刻心境和鄧佢有些唔開心起來了。
從好的一面去睇, 相信葉太經過今次單票制普選民主選舉的洗禮之後, 以後待人接物會變得謙卑好多, 及真正認識到民意授權是什麼樣的一回事, 今次葉太的參選, 相信已經可以洗刷以往在大眾心目中精英主義蔑視群眾的傲慢形象。
然而, 在明年的比例代表制選舉之下, 葉太一定能夠穏佔一席, 反而泛民08立會選舉, 點去協調陳太和出選名單呢? 點樣爭位坐呢? 加上這次的任期只有短短7個月, 夠時間去樹立作為尊貴議員的陳太政治功績嗎? 再加上陳太的年齡, 我對陳太的政治前景係存疑的。
(所以要打好幾個問號比陳太同泛民)----------------------------------------------------------
這是一次對 2012 普選素求的公投嗎??? 陳太勝選的象徵意義
----------------------------------------------------------
其實,今次陳太勝選o既唯一意義, 係有份投陳太一票o既選民對阿爺o既又一次直接表態, 事情是明擺著的, 其實阿爺好應該調整對香港民主政制發展問題的思維, 主動解開部份香港人的心結, 按照基本法的承諾放手讓港人去做, 那些投陳太一票的選民, 其實要求是十分卑微的, 香港人亦是理性而現實的, 試問香港人又點夠膽真係選一個毫無行政經驗、又或者有公然同北京搞政治對立傾向o既領導人出黎同香港人自己過唔去呢??
回歸十年過去了, 阿爺依然玩著透過代理人政治來操弄統治香港這一套、始終玩得好鬼祟黑暗欠缺透明度、缺乏誠信(明明基本法已講明行政長官同立法會最終會由普選產生, 都可以藉著扶植建制派來扭曲左右這一股主流民意), 才是導致投票比陳太那些大部份香港市民因為怕被阿爺陰乾了, 唔知阿爺想點而走出來向阿爺作出一次又一次的自發性表態而已...
從抽離d o既旁觀角度看, 我就唔信泛民會有旅遊巴投票團一車一車的載去投票的那種動員情況, 一般相信投陳太果十幾萬市民, 都係自發去做呢件事的, 為的就是要表明一個態度等阿爺明白, 香港人唔係信唔過阿爺, 而係信唔過一d 暗地裏賣身投靠, 但表面上就講到自己點為市民為香港o既所謂 "政治人物" o既統治。 (我估計投陳太果d 選民係咁樣諗)
得票結果:
葉劉淑儀 137,550 得票率 = 43%陳方安生 175,874 得票率 = 54%
投票率: 52.5%
沒有留言:
發佈留言